ተግባራዊ ክርስቲያናዊ ሕይወት

ተግባራዊ ክርስቲያናዊ ሕይወት ማለት የኢየሱስን ትምህርቶች በዕለት ተዕለት ኑሮ መተግበር ማለት ነው። ይህ እምነት በቤተ ክርስቲያን ግድግዳ ውስጥ ብቻ ተወስኖ የሚቀር ሳይሆን፣ በሥራ ቦታ፣ በቤተሰብ፣ በማኅበራዊ ግንኙነት እና በግል ውሳኔዎች ሁሉ የሚገለጥ ሕያው እውነታ ነው። እንዲሁም ያለማቋረጥ በመጸለይና መጽሐፍ ቅዱስን በማጥናት ከእግዚአብሔር ጋር ያለውን ግንኙነት መንከባከብንና እምነትን ከዕለት ተዕለት ሕይወት ጋር በማዋሐድ የክርስቶስን ባሕርይ ማንጸባረቅ ነው። ዋና ዋና መገለጫዎቹም እግዚአብሔርን በሙሉ ልብ መውደድና ባልንጀራን እንደ ራስ መውደድን ፤ በእውነተኛ ፍቅር ለሰዎች መቆርቆርና መልካም በማድረግ ይገለጻል። ሌሎች ያደረሱብንን በደል ፤ የክርስቶስን ምሕረት መነሻ በማድረግ በነጻ ይቅር ማለትን ይጠይቃል። እንደ እርሱ ራስን ዝቅ አድርጎ ሌሎችን በትሕትና ማገልገል፣ እንዲሁም በገንዘብ ነክ ጉዳዮችና በገቡት ቃል ኪዳን ሁሉ በቅንነትና በታማኝነት መኖር የዚህ ሕይወት መሠረቶች ናቸው።